Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Tarasp, vonTartar lemma sequent

Tarnuzzer, Christian
* 9-9-1860 ad Aschera, † 4-2-1925 a Cuira, ref., dad Aschera. Figl da Nikolaus, pur, e dad Anna n. Wilhelm, dad Aschera. ∞ Käte n. Grill, Americana. Seminari scolastic ad Aschera, magister privat a Mannheim (a partir dal 1879) ed a New York 1883-86. Studi a l'Univ. da Turitg 1886-88, dr.sc.nat. 1888. Suenter in onn redactur da las «Bündner Nachrichten» magister da geografia ed istorgia natirala a la Scola chant. a Cuira 1890-1924. Emprim pres. da la cumissiun chant. per la protecziun da la natira 1907-25. Autur da passa 80 publicaziuns davart la geologia da las Alps grischunas e da passa 60 referats en la SNG ch'el ha presidià il 1909-10 (comm. d'onur). Menziun spez. meritan, ultra da l'ovra poetica strusch enconuschenta, sias numerusas contribuziuns davart la litteratura da viadi en il Grischun e la terza ediziun amplifitgada e curregida (1893) dals «Naturbilder aus den Rätischen Alpen» (1860) da Gottfried Ludwig Theobald. Tavla commemorativa a la Halde a Cuira.


Litteratura:
Bedeutende Bündner 2, 293-303.

Adolf Collenberg

lemma precedents Tarasp, vonTartar lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :