e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Televisiun Tenchio, Ettore  Tello Uvestg da Cuira enturn il 759-765. Derivant da la fam. dals Zaccons, figl dal preses Victor e da Theusinda. T. è evtl. vegnì educà a la claustra da Mustér. Tenor la Vita da Gallus da Walahfrid Strabo ha T. intermedià il 759 en il conflict tr. la claustra da S. Gagl e l'uv. Sidonius da Constanza. Ultra da quai ha T. era cunsignà l'onn 762 la lia d'uraziun, concludida a la Sinoda dad Attigny (Ardennes). En in doc. redigì ils 15-12-765 sco donatio post obitum, enconuschent sco il «Testament da Tello», ha T. legà a la claustra da Mustér vasts possess. Sco ses successurs Constantius e Remedius, ha T. probablamain era unì l'uffizi spiritual da l'uvestg cun quel secular dal preses. Litteratura: HS I/1, 469 s.; O. P. Clavadetscher, Zur Führungsschicht im frühmittelalterlichen Rätien, en: Montfort, 42/1990, 63-70; R. Kaiser, Churrätien im frühen Mittelalter, 1998 (2008²). Martin Hannes Graf  Televisiun Tenchio, Ettore  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: