Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents TelloTenigia, Bogn lemma sequent

Tenchio, Ettore
* 21-10-1915 a Roveredo, cat., da Verdabbio, vischin d'onur da Sta. Domenica (oz vischn. da Rossa) 1975. Figl da Giovanni, commerziant, e dad Anna n. Tanner, scolasta. ∞ 1) 1948 Gada Maria n. Willi, figlia da Georg Willi, 2) 1970 Silvana Carla Maria n. Luminati, da Poschiavo. Matura a Lucarn 1934. Studi a Milaun, Friburg e Berna, dr.iur. a Berna 1938. Advocat a Roveredo (1940-50) ed a Cuira (a partir dal 1960). Comm. dal Cussegl grond 1943-50, pres. da la gruppa cristiansoc. da la PPConsCS 1948-50, cuss. guv. 1950-59, schef dal Dep. da giustia e polizia, cuss. naz. 1947-71, pres. da div. cumissiuns, tr.a. da las cumissiuns per la revisiun da la lescha da l'AVS e da l'AI, per supplements a fam. ed uffants e per l'iniziativa Schwarzenbach cunter la surpopulaziun estra, comm. da la cumissiun per l'economia da l'exteriur. Pres. da la PPConsCS da la Svizra 1960-68 (dapi il 1970 PCD) e da la cumissiun administrativa dal Corpus catolicum 1969-84. Il 1962 ha T. succumbì en la tscherna dal cuss. fed. sco candidat uffiz. da sia partida al Vallesan Roger Bonvin. 1960-76 ha el presidià l'Uniun da traffic dal Grischun ed è s'engaschà per il mantegniment e las tariffas da la Viafier retica sco era per il schlargiament da la ruta dal S. Bernardin ad ina via naziunala. En ils onns 1971-80 è el stà pres. central da la SSR e pres. dal cussegl d'administraziun da la Banca della Svizzera Italiana, da la Transitgas SA sco era da la fundaziun d'assistenza al persunal Oleodotto del Reno SA. Col. en il stab general.


Litteratura:
BT, 19-10-1985.

Ursus Brunold

lemma precedents TelloTenigia, Bogn lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :