Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Tester, ChristianTgetgel, Jon Andri lemma sequent

Tester, Christian
≈ 12-3-1815 a Cuira, † 30-6-1890 a Cuira, ref., da Stussavgia e Cuira. Figl da Christian. ∞ Barbara n. Voneschen, da Favugn. Gimnasi a Cuira, stud.med.vet. a Berna. Veterinari en l'Engiadina Bassa, adjunct 1845-49 e veterinari chant. a Cuira fin il 1853. Dasperas actuar a la Dretgira chant. grischuna. Redactur da las gasettas lib. «Freier Rhätier» (enturn la mesadad dal 1848) e «Bündner Tagblatt» (a partir dal 1857) ch'el ha bandunà la fin d'avr. 1872 suenter la vieuta cons. da quella gasetta. Silsuenter - fin a sia mort - puspè cunredactur dal «Freier Rhätier» edì danovamain a partir dal 1868. T. era in schurnalist influent, decididamain lib. e fitg popular.


Litteratura:
P. Metz, Über bündnerische Zeitungen und Journalisten im 19. Jh., en: BJb, 1965, 16-18; Bedeutende Bündner 1, 523-25.

Adolf Collenberg

lemma precedents Tester, ChristianTgetgel, Jon Andri lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :