Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Toggenburg, Johann Georg deToggenburg, Paul Anton de lemma sequent

Toggenburg, Johann Rudolf de
* 1-9-1817 a Lags, † 18-10-1893 a Lags, cat., da Ruschein. Figl da Christian Ulrich, mastral e maior, e da Maria Regina Antonia n. de Cabalzar. ∞ Emilia de Mont, figlia da Johann Heinrich, barun de Löwenberg/Schluein. Gimnasi a Brig, stud.iur. a Minca e Heidelberg. Mastral da la Foppa 1844-45, comm. dal Cussegl grond 1844-77 (cun interrupziuns). Mess a la Dieta confed. 1845, bundsstatalter 1846, comm. da la cumissiun dal Cussegl grond 1854 e 1860-70 (cun interrupziuns). Cuss. d'educaziun 1856-57, 1864 e 1867-68. Pres. da la dretgira distr. dal Glogn 1849-93 (cun interrupziuns), comm. da la Dretgira criminala chant. 1845-53 e da la Dretgira chant. 1855-93. Cuss. guv. 1853 e 1858, cuss. naz. 1861-81. Avugà da las claustras da Mustér e Müstair (controlla statala administrativa). En il Grischun giudeva T. grond renum sco derschader. Sco federalist cons. ha el cumbattì cun fervenza la Const. fed. dal 1872 e 1874. Sper Alois e Casper de Latour è el stà in dals politichers ils pli impurtants en la Surselva da quel temp, posiziunà tr. ils Latours ed ils Condraus. Ami da Remigius Peterelli. Engaschà surtut en dumondas da l'agricultura.


Litteratura:
Gruner, Bundesversammlung 1, 630; Metz, Graubünden 2.

Adolf Collenberg

lemma precedents Toggenburg, Johann Georg deToggenburg, Paul Anton de lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: