e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Toggenburg, von Tognola [Toniola]  Togni, Ponziano * 8-2-1906 a Plür, † 10-6-1971 a Blinzuna, da San Vittore. Figl da Vittore, possessur d'ina bieraria, e da Giuseppina n. Vanossi. ∞ 1935 Bianca n. Dagnino, da Genua. Giuventetgna a Clavenna. Scola media al Collegi da Saronno (Lumbardia). Studis d'architectura e pictura a la Scuola superiore di Belle Arti Beato Angelico ed a l'Accademia d'arte Brera a Milaun; diplom d'architect 1930. Alura ha el cumenzà sia activitad sco pictur artist. En ils onns 1936-40 ha T. passentà ils envierns a Firenza, nua ch'el ha frequentà l'Accademia di Belle Arti, las stads en il Grischun. Ses domicils principals eran Poschiavo, Sedrun, Turitg e Monticello (vischn. da S. Vittore). T. picturava interiurs, natiras mortas, purtrets e paesagis e s'orientava a la tradiziun artistica da l'Italia. Represchentaziuns dad ateliers attestan l'influenza da la Pittura metafisica (current tal. da la pictura 1910-20). T. ha stgaffì era picturas muralas. Litteratura: KLS 2, 980 s.; M. Huggler, Ponziano T., 1980; BLSK 2, 1040. Leza Dosch  Toggenburg, von Tognola [Toniola]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: