e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Töndury, Gian Töndury, Gian  Töndury, Gian * 5-7-1856 a S-chanf, † 13-3-1937 a Samedan, ref., da S-chanf e Samedan. Figl da Gian (*1819). Frar dad Otto Theodor. ∞ Babetta n. Zender, da Zuoz. Suenter la scolaziun commerziala è T. entrà en l'affar da banca da ses bab, a partir dal 1888 sco directur. Il medem mument ha el transferì la sedia principala da S-chanf a Samedan e midà il num da la Banca Engiadinaisa Töndury & Co. en Banca Engiadinaisa. Quella ha contribuì decisivamain al svilup economic da l'Engiadina. Suenter la fluriziun da la Belle Epoque è suandada la crisa dal 1914, da la quala la banca n'è betg pli sa revegnida (liquidaziun 1934). T. è stà comm. dal cussegl administrativ da la Viafier retica e da la plipart da las societads acziunaras dals hotels da l'Engiadina. Confundatur da la Bieraria Engiadinaisa SA, da la Stamparia Engiadinaisa, da l'Uniun da traffic da l'Engiadina, dal Lyceum Alpinum Zuoz e dal Museum d'art dal Grischun. President com. da S-chanf 1879-81 e da Samedan 1891-1906. Comm. dal Cussegl grond 1889-1908 (pres. 1902). Politicher lib. persvadì, sco tal adversari da la Partida dem. dal Grischun, fundada il 1919. Litteratura: Robbi, Standespräsidenten, 117 s.; Chal. ladin, 1939, 33-35. Silvio Margadant  Töndury, Gian Töndury, Gian  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: