e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Tosio, Bernardo Traffic e transit  Toutsch, Bonaventura * ca. 1590 a Zernez, † 22-11-1621 sin il Veptga, ref., da Zernez. Stud.teol. a Basilea 1609. Preditgant a Murbegn 1615-18 ed a Seglias 1618-21. T. gioga ina rolla impurtanta sco aderent da la partida franz.-venez. e sco accumpagnader da Gieri Genatsch a la Sinoda da Bravuogn l'avr. 1618 ed a chaschun da las dretgiras nauschas suandantas. Ens. cun Genatsch ha el instigà l'emprim ils Engadinais cunter Rudolf von Planta ch'el ha sfurzà da fugir, alura ha el prendì en fermanza a Sunder, ens. cun auters cumpogns, ils dus "renegats" Johann Baptista Prevost (Zambra) e Nicolò Rusca ch'el ha manà davant la dretgira nauscha da Tusaun il 1618. A l'entsch. da nov. dal 1621 è T. fugì ens. cun Genatsch da las truppas dal col. Alois Baldirun ed è vegnì assassinà da purs da Rueun e Pigniu sin il Veptga. Litteratura: Rauch, Homens prominents, 1935, 401; A. Pfister, Jörg Jenatsch, 19915, 44-126. Adolf Collenberg  Tosio, Bernardo Traffic e transit  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: