e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Travers Travers, Augustin  Travers, Anton Victor (von Ortenstein) * 21-8-1788 en il chastè dad Ortenstein, † 21-12-1833 (a Cuira?), cat., da Tumegl. Figl dal cont Johann Victor e dad Emilia Barbara n. von T. von Ortenstein. Biadi da Johann Victor (*1721). ∞ Josephine Viktoria Henriette n. von Salis-Samedan, oriunda dal chastè da Tagstein. Suenter la separaziun da ses geniturs, è el vegnì educà per part sin il chastè da Horn al Lai da Constanza, per part ad Ortenstein. In'educaziun secular-aristocratica ha el obtegnì al seminari da spirituals a Meraun 1801-05, al Lyceum da Regensburg 1805 ed a l'Univ. da Würzburg 1807-09. Il 1810 è T. stà voluntari en la chancellaria fed. a Soloturn, alura ha el prendì domicil sin il chastè dad Ortenstein. Constructur da la punt sur il Rain a Roten. T. ha occupà div. uffizis en il Stadi da las Trais Lias, tr.a. quel dal cuss. guv. il 1833. Tras ses regl da giugar ha el provocà la perdita dal bain patern a Horn e dal chastè dad Ortenstein, provocond qua tras la ruina finanziala ed il declin social da la generaziun sequenta. Litteratura: Schweizerisches Geschlechterbuch 4, 611 s.; J. Robbi, Die Regierungsräte des Kantons Graubünden 1803-1918, 1918. Martin Bundi  Travers Travers, Augustin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: