Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Travers, Johann Victor (von Ortenstein)Travers, Johann Viktor (von Ortenstein) lemma sequent

Travers, Johann Victor (von Ortenstein)
* 5-9-1721 a Landrecies (Artois), † 3-9-1776 a Paris, cat., da Tumegl. Figl da Johann Viktor (*1682). ∞ Maria Therese n. Reding von Biberegg, da Frauenfeld. Uffanza a Paris, alura domicil en il Grischun ed a Soloturn. Il 1732-36 ha T. vivì en la claustra benedictina ad Ettal en Baviera, il 1736 è el entrà en il regiment da ses bab a Valenciennes. Suenter sia carriera militara en la Guardia svizra, è el stà gen. da brig. 1747, marschal 1759 e lt gen. 1762. Il 1775 ha il retg Louis XIV conferì ad el il titel da cont. T. è adina puspè turnà en sia patria, nua ch'el è stà per in curt temp pres. e mastral dad Ortenstein e nua ch'el ha lantschà il 1763 in project per ina gronda fabrica da chaltschiels da saida en la Tumleastga. Per cuntanscher quella finamira vuleva el abolir 30 firads catolics. Il project è fruntà sin la resistenza da vart da las autoritads ecclesiasticas ed ha fatg naufragi. L'implicaziun da T. en l'Affar da Tumegl dal 1766 concernent la tscherna dal mastral ha sfurzà el da fugir da la Republica da las Trais Lias. Ses plan d'installar in'academia en il chastè dad Ortenstein (tenor il model dal Seminari a Lantsch Sut) per la furmaziun scientifica preliminara da futurs teologs è dà en l'aua il 1767. El ha acquistà da l'uvestgieu da Constanza il chastè da Horn cun bain al Lai da Constanza, ha dentant passentà la saira da sia vita a Paris.  
Litteratura:
P. Flisch, General Johann Viktor von T., 1721-1776, 1912; Schweizerisches Geschlechterbuch 4, 607-10; M. Bundi, Über die einstige Seidenindustrie in Graubünden, en: BJb, 1973, 102-14; F. Maissen, General Johann Viktor III. T. von Ortenstein, 1767: geplante Akademie, en: BM, 1983, 210-19.

Martin Bundi

lemma precedents Travers, Johann Victor (von Ortenstein)Travers, Johann Viktor (von Ortenstein) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :