Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents TrentTriest lemma sequent

Trepp, Martin
* 30-9-1732 a Fanas, † 26-6-1804 a Spleia, ref., von Novagnas. Figl da Jacob, reverenda, e dad Ursula n. Rieder. ∞ 1) 1756 Maria n. Schwartz, vaiva Huber, 2) 1797 NN n. Troll. Stud.teol. a Cuira e Basilea. Recepì en la Sinoda 1756. Reverenda a Spleia a partir dal 1756. En consequenza da la publicaziun da ses pamflet «Patriotisches Echo» (1764), drizzà cunter la partida aristocratica dad Ulysses von Salis, è T. sortì il 1765 da la Sinoda (demissiun sco reverenda). Mastral en il Valragn 1768-69 e 1775-77, mess a las Dietas fed., podestat a Murbegn 1769-71 e cumissari a Clavenna 1777-79. Proprietari d'ina ustaria e commerziant a partir dal 1779. Assessur a la Sinoda evang. 1790. Il 1793 è T. stà involvì en l'arrestaziun da mess franz. (Affera da Sémonville) en vischinanza da Novate al Lai da Mezzola. Il 1794 ha el denunzià (per mitschar d'ina sentenzia per avair commess in crim cunter il stadi) simpatisants da l'Austria pervi d'acceptaziun da daners da pensiun. Dal sett. 1798 fin il zercl. 1801 è el stà per quel tradiment e per quell' agitaziun antiaustr. en fermanza austr. a Briganza, Puntina, Brünn e Vienna.


Litteratura:
A. Rufer, Ein Abenteurer aus dem 18. Jahrhundert, en: Davoser Revue, 17/1941/42, nr 1, 5-12; nr 2, 27-34; nr 3, 58-64; nr 4, 79-85.

Hans Rudolf Ammann-Schänni

lemma precedents TrentTriest lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :