Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Tscharner, Johann Friedrich vonTscharner, [von] lemma sequent

Tscharner, Peter Conradin von
* 17-12-1786 a Cuira, † 5-7-1841 a Cuira, ref., da Cuira. Figl da Johann Baptista (*1751) e da Elisabeth n. von Salis. Frar da Johann Friedrich. ∞ Esther Christine Wredow, figlia da Christian Carl Wredow. Seminaris filantropins a Gianin ed al chastè da Rehanau, stud.iur. ad Erlangen 1797-1800. Uffizier da las truppas grischunas en il Piemunt ed en Frantscha, primlitinent en il stab gen. confederal. Sco negoziader a Turin è T. stà in dals promoturs decisivs da la nova via sur il S. Bernardin. Directur da la posta dal chantun Grischun 1825. Redactur (cun Georg Wilhelm Röder) da la «Bündner Zeitung» 1830-35, sco tal engaschà cunter il radicalissem e l'ulteriura amplificaziun dals dretgs dal pievel en il Grischun, ma decididamain per ina nova const. confederala. A partir dal 1839 è el stà redactur da la gasetta moderada «Churer Wochenblatt». T. ha scrit raquints, poesias e cumposiziuns da chanzuns sco era in manual davart la gestiun en scrit (1835). El è stà cunautur da l'ovra istoric-geografica «Der Kanton Graubünden» (1838, ens. cun Georg Wilhelm Röder).


Litteratura:
Metz, Graubünden 1, 283.

Adolf Collenberg

lemma precedents Tscharner, Johann Friedrich vonTscharner, [von] lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :