Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents VerendariusVermunt lemma sequent

Vergerio, Pietro [Pier] Paolo
* 1498 a Capodistria (Republica da Vaniescha, oz Slovenia), † 4-10-1565 a Tubinga, da Capodistria. Stud.iur. a Padua. Nunzi en Germania a partir dal 1533. Consecrą uvestg da Modrus en Croazia il 1536, alura uvestg da Capodistria. Tras contacts cun exponents dals "spirituali" (refurmists cat. che vulevan renovar internamain la Baselgia) e cun refurmaturs tud. ha el cumenzą a cultivar ideas refurmatoricas ed č perquai vegnģ denunzią sco luteran il 1544 e mess avant dretgira a Vaniescha il 1546. Il 1549 ha V. banduną Capodistria ed ha chattą refugi a Cuira ed a Poschiavo. Dal 1550-53 č el stą plevon a Visavraun, nua ch'el č stą activ era sco publicist, stabilind contacts cun ils centers ref. da Basilea, Genevra e Turitg. Dolfino Landolfi ha stampą pregias e publicaziuns da V. ch'čn vegnidas derasadas er en l'Italia, sco era «Instruttione christiana» (1549), l'emprim catechissem prot. en talian. Il 1553 č el sa translocą a Tubinga sco cusseglier dal duca (luteran) Christoph von Württemberg ch'ha delegą el sco missiunari diplomatic en Germania, en ils territoris da la Confed. e da las Trais Lias (1561) ed en Pologna. V. č stą il teolog il pli impurtant tr. ils exilants tal. en il Grischun, el era dentant en ina relaziun da tensiun permanenta cun la Sinoda retica ch'ha snegą ina sinoda mo per il Grischun tal. e la Vuclina sut sia direcziun. Instigader dals iconoclasts da S. Gaudenzio/Casaccia 1551. El ha refusą la Confessiun retica (1553). 


Litteratura:
A.J. Schutte, Pier Paolo V. e la Riforma a Venezia, 1498-1549, 1988 (engl. 1977); S. Cavazza, Pier Paolo V. nei Grigioni e in Valtellina, en: Riforma e societą nei Grigioni, Valtellina e Valchiavenna tra '500 e '600, edģ dad A. Pastore, 1991, 33-62; Pier Paolo V. il Giovane, un polemista attraverso l'Europa del Cinquecento, edģ dad U. Rozzo, 2000; Bonorand, Reformatorische Emigration, o.t. 57-60, 282-86.

Emidio Campi

lemma precedents VerendariusVermunt lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: