Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Vital, AndreaVital, Edgar lemma sequent

Vital, Andrea
* 11-9-1855 a Puntraschigna, † 13-10-1943 a Ftan, ref., da Sent e Ftan. Figl da Nicola, reverenda, e da Barbara n. Conradin. ∞ Catharina n. a Porta, figlia da Stephan, cafetier a Copenhagen. Scola com. ed Institut a Porta a Ftan, Scola chant. a Cuira. Stud.iur. a Strassburg, Lipsia, Minca e Turitg. Advocat a Ftan a partir dal 1878. Pres. da la dretgira cirq. e distr., commember lib. dal Cussegl grond 1879-95 e 1917-23 (pres. 1892), cuss. guv. 1894-1902 (Dep. d'educaziun, pres. 1896 e 1901), cuss. naz. 1899-1919. V. era participà a moda decisiva a la revisiun da la Const. chant. dal 1894 ed als projects da lescha davart il dretg da las auas dal 1906 (plaun chant.) resp. dal 1916 (plaun fed.). Sco emprim suprastant dal Dep. d'educaziun en la nova Regenza grischuna da tschintg comm. ha el promovì decisivamain la creaziun da meds d'instrucziun per las scolas rum. sin tut ils stgalims. Pres. da la SRR 1897-1925. Recaltgader da subvenziuns per il DRG e confundatur da la LR (1919). Biograf da Gian Fadri Caderas e da Zaccaria Pallioppi, editur da chanzuns ed autur da «La literatura ladina dels ultims tschient ans» (1916).


Ovras:
BMVR; BR, nrs 5652-56.

Litteratura:
Chal. ladin, 1945, 68-70 (cun fotogr.); Gruner, Bundesversammlung 1, 631.

Jürg Simonett

lemma precedents Vital, AndreaVital, Edgar lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :