e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Volpe Vonderach, Johannes  Volpe, Giovanni Antonio * 30-12-1513 a Com, † 28-8-1588 a Com, cat. Figl da Giovanpietro, giurist. Oriund da la noblezza comasca. Studis umanistics e da dretg a Padua (dr.iur.utr.), enturn il 1547 a Roma tar il cardinal Alessandro Farnese. Uv. da Com il 1559, alura ordinà sacerdot resp. consecrà uvestg. Nunzi en Svizra en ils onns 1560-64, 1565 e 1573-74 (recumandà da Carlo Borromeo). Grazia a bunas enconuschientschas da la situaziun ha el preservà durant sia emprima nunziatura en l'Affar da Glaruna ils Confederads dad ina guerra civila ed ha reglà il 1561 la tscherna contestada da Mark Sittich von Hohenems sco uv. da Constanza. Il 1560 è V. stà participà a l'allianza dals chantuns cat. cun la Savoia ed il 1565 a quella cun Pius IV. El ha promovì la participaziun da la Svizra cat. a la quarta perioda dal Concil da Trent (schan. 1562 enfin dec. 1563). Malgrà che V. ha refusà la segunda e terza nunziatura, è el sa fatschentà era pli tard cun la Svizra. Litteratura: K. Fry, Giovanni Antonio V. und die Konzilsverhandlungen mit den III Bünden, en: Zeitschrift für Schweizerische Kirchengeschichte, 26/1932, 34-58; HS I/4, 41; I/6, 187 s. Urban Fink  Volpe Vonderach, Johannes  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: