Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Vonmoos, NuotVonmoos [Famos], Jon lemma sequent

Vonmoos, Schimun
* 1-7-1868 a Ramosch, † 29-7-1940 a Scuol, ref., da Ramosch. Figl da Not, commerziant en l'Italia, e dad Uorschla n. Bardola, da Martina. Frar da Jon. ∞ 1) Luisa n. S-charplatz, da Strada, 2) Angiolina n. Valentin, scriptura. Gimnasi a Cuira, stud.teol. a Jena, Berlin, Heidelberg e Turitg. Recepì en la Sinoda retica 1892. Plevon a Ramosch 1892-1940, dasperas apicultur, orticultur, chatschader e scriptur. V. ha cumenza a publitgar pir cun 55 onns. Ses raquints, sias skizzas, reflexiuns e poesias dattan perditga d'in fin sensori d'observatur. V. vala sco il renovatur dal raquint rumantsch ladin. Ses raquints ils pli enconuschents èn «La vacha cranzla» (1924), «Las chotschas d'pel da Not Rasdür» (1928) ed «Il corn da puolvra dad Abraham» (1938, ill. dad Alois Carigiet).

 


Ovras:
BR, nrs 5684-87.

Litteratura:
Bedeutende Bündner 2, 448-51; Bezzola, Litteratura, 450-57; Deplazes, Funtaunas 3, 192 s.; Deplazes, Die Rätoromanen, 274-82.

Manfred Gross

lemma precedents Vonmoos, NuotVonmoos [Famos], Jon lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :