Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Bener, ChristianBerchtold I lemma sequent

Bener, Gustav
* 17-7-1873 (Gustav Karl) a Cuira, † 25-1-1946 a Cuira, ref., da Cuira. Figl da Peter Jacob, cuss. e confundatur da la Banca Chantunala Grischuna, e da Maria n. Caviezel, da Cuira. ∞ 1900 Lydia n. Lorenz, figlia da Paul Lorenz. Gimnasi a Cuira, studi d'insch. da construcziun a la SPF a Turitg 1893-97. Manader da construcziun tar la VR 1899-1911, schefinschigner durant la construcziun da la lingia da viafier Cuira-Arosa 1911-14 e manader da gestiun da quella 1914-18, directur da la VR 1918-36, en questa funcziun responsabel per l'electrificaziun e la reorganisaziun dal manaschi cun ina reducziun dal persunal per 50%. Comm. dals cussegls d'administraziun da la Viafier da la Scalina 1918-36, da las VFF 1924-38 e da la Viafier Furca-Alpsu 1925-36. Colonel, directur militar da las viafiers 1926-33. Pres. da la Societad grischuna dals inschigners ed architects e da la cumissiun da propaganda da las uniuns da traffic dal Grischun, suprastant da l'Uffizi naz. svizzer dal turissem. Iniziant da div. projects per la perscrutaziun scientifica dal Grischun, tr.a. dal Museum d'istorgia natirala a Cuira e da la retscha «Die Kunstdenkmäler des Kantons Graubünden».




Litteratura:
Schweizerische Bauzeitung, 1946, nr 5; Bedeutende Bündner 2, 507-12.

Thomas Fuchs

lemma precedents Bener, ChristianBerchtold I lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: