Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Wieland [-Bisaz], MengiaWietzel, Fadrich [Fadri] lemma sequent

Wieser, Constant
* 25-7-1920 a Zuoz, † 16-9-1999 a Cuira, cat., da Tarasp. Figl da Vincens, ustier, e da Giovanna n. Colturi. ∞ Jacqueline n. Guberan, da Losanna. Gimnasi a Mustér, stud.med. a Friburg, Turitg e Minca (1939), dr.med. a Losanna 1945. Spezialisà en radiologia. Schefmedi a l'Ospital chant. a Cuira 1957-85/87, nua ch'el ha endrizzà l'Institut central da radiologia e radioterapia, renconuschì il 1967 sco center da scolaziun. Autur da ca. 30 publicaziuns scientificas davart la radiologia, da numerusas ovras davart l'istorgia regiunala e culturala sco era da div. chapitels da l'«Äskulap in Graubünden» (1970-71) e d'artitgels dal HLS e LIR. Pres. dal Cussegl da la citad da Cuira 1968. Durant 16 onns pres. dal Cussegl pastoral chantunal. Premi da renconuschientscha dal chantun Grischun 1997.


Ovras:
Das Oberengadin und die Entstehung des Gotteshausbundes, 1967; Zuoz, 1991; Erinnerungen eines Strahlentherapeuten, en: BJb, 1995, 38-50; Val Fex, 2000.

Litteratura:
BJb, 2001, 157-59; Chal. ladin, 2001, 121-23.

Adolf Collenberg

lemma precedents Wieland [-Bisaz], MengiaWietzel, Fadrich [Fadri] lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: