Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Winiker, PancrazWinzap [Weinzapf], Hans lemma sequent

Winkler, Martin
Attestà il 1512 sco il pli giuven comm. da la claustra benedictina da Mustér, pli tard priur. Elegì (prinzi) avat l'avust 1528. Sut sia regenza èn 200 Libers da Breil (Libers exteriurs da Lags) sa laschads recepir sco burgais dal cumin da la Cadi. Causa sia relaziun cun ina dunna han ses parents sfurzà el da midar confessiun e da maridar. Il 1536 è W. sa rendì a Glion, nua ch'el ha fatg il pur e scolast. Cun el han bandunà trais muntgs la claustra ed èn alura stads activs sco plevons refurmads. Il magistrat dal cumin da la Cadi al ha pajà (fin il 1550 - l'onn da sia mort?) ina pensiun da 300 flurins per renunziar als dretgs feudals da prinzi. Sco recumpensa per il resguard resp. il salvament da la claustra tras il cumin da la Cadi (en privel da dissoliziun pervia dals Artitgels da Glion dal 1526) ha quel pretendì per sai il dretg d'eleger l'avat.


Litteratura:
Müller, Abtei Disentis, 72 s.; HS III/1, 499.

Adolf Collenberg

lemma precedents Winiker, PancrazWinzap [Weinzapf], Hans lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :