e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Zacharias da Salò Zaff, Saturnin  Zaff, Nicolaus * enturn il 1620, † suenter il 1677, ref., da Segl. Figl da Nicolaus, mastral. Frar da Saturnin. Studi a la scola da latin a Turitg 1638-44, finiziun teologica 1645. Magister privat tar il barun Viktor von Althan en l'Austria Inferiura. Recepì en la Sinoda retica il 1648. Curt segiurn da studi a Genevra 1649. Plevon a Segl (1649-51) e da la communitad ref. da Vaniescha (1651-52). Stud.med. a Padua, dr.med. 1654. Alura puspè plevon a Vaniescha (1668-72) ed a Castasegna (1672-75). Dal 1675-77 è Z. stà en missiun a Vaniescha ed a Napel per salvar plevons ref. ungarais persequitads per motivs confessiunals e sentenziads a painas da galera. El ha tgirà ina correspundenza intensiva cun il teolog turitgais Johann Heinrich Heidegger. Litteratura: E. Wenneker, Nicolaus Z. - ein Bündner Arzt und Theologe in Venedig, en: BM, 1995, 30-45. Martin Bundi  Zacharias da Salò Zaff, Saturnin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: