Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Zindel, ChristianZinsli, Peter lemma sequent

Zinsli, Paul
* 30-4-1906 a Cuira, † 11-9-2001 a Berna, ref., da Stussavgia e Cuira. Figl da Paul, cassier munic. da Cuira, e da Maria Christina n. Saluz. ∞ 1938 Elisabeth n. Färber, figlia dad Anton, emploià da banca. Scola chant. a Cuira, alura studi da germanistica e d'istorgia d'art a l'Univ. da Turitg 1926-34, dr. fil. 1935 («Grund und Grat: der Formaufbau der Bergwelt in den Sprachbegriffen der schweizerdeutschen Alpenmundarten», 1937). Magister al gimnasi da Bienna 1936-46, prof. eo. a l'Univ. da Berna 1946, prof. ord. da lingua, litteratura ed etnologia da la Svizra tud. 1951-71. Collavuraziun al «Sprachatlas der deutschen Schweiz» e fundatur da la collecziun da nums locals bernais, cuneditur da «Werke und Briefe» (1999) da Niklaus Manuel. Z. ha gì gronda influenza sin l'etnologia che s'orientava surtut al mund puril, fermamain colliada a la dialectologia ed a la perscrutaziun dals nums locals e dals nums da cultira. En sias perscrutaziuns è el sa deditgà surtut als abitadis alpins dals Gualsers, la cultura dals quals el ha intermedià ad in vast public en sia ovra da standard «Walser Volkstum in der Schweiz, in Vorarlberg, Liechtenstein und Piemont» (1968). Premi grischun da cultura 1978, dr.h.c. da la SPF Turitg 1987.


Ovras:
Der Malerpoet Hans Ardüser, 1986.

Litteratura:
R.J. Ramseyer, Verzeichnis der Schriften und Vorträge von Paul Z., [1986]; BJb, 2003, 169-74 (autobiogr.).

Alois Senti

lemma precedents Zindel, ChristianZinsli, Peter lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: