Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Zinsli, PaulZir lemma sequent

Zinsli, Peter
* 15-6-1934 a Cuira, † 3-12-2011 a Tschiertscha, ref., da Stussavgia. Figl da Valentin, mazler e manischunz, e da Christina n. Krättli, da Vaz Sut. Emprendissadi da tipograf, alura activ en il sectur bancar. Directur da l'agentura da la BCG a Tschiertscha a partir dal 1994. Activitad musicala en div. furmaziuns da musica instrumentala a flad (Cuira, Tusaun, Turitg). Trumbettist militar. Autodidact en ilSchwyzerörgeli, la clarinetta ed il gìun (bass). Cun sia chapella da musica populara "Gotschnabueba", fundada il 1957 e renumnada il 1959 en "Peter Zinslis Churer Ländlerfründa", ha Z. cultivà a partir dal 1965 o.t. il stil grischun cun duas clarinettas, dus orgelets ed in gìun, tenor l'exempel da Luzi Bergamin. Cun quella e, suenter il 1970, cun ina segunda furmaziun («Peter Zinslis Ländlerfründa») ha el gì numerusas represchentaziuns en l'entir mund. Dapi il 1961 ha Z. registrà cun div. furmaziuns (p.ex. cun ils "Churer Schwyzerörgelifründa", senza instruments a flad) plirs tozzels plattas grondas e discs cumpacts. El ha cumponì radund 400 tocs, tr.a. il "Wentala-Schieber" e la "Bündner Gärschtasuppa".


Litteratura:
E. Roth, Lexikon der Schweizer Volksmusikanten, 1987, 177; SO, 8-12-2011

Adolf Collenberg

lemma precedents Zinsli, PaulZir lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :