e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Zurr, Peter Zwingli, Huldrych * 1-1-1484 a Wildhaus/SG, † 11-10-1531 en la Battaglia da Kappel. Figl da Johann Ulrich, pur e president com., e da Maria n. Bruggmann. Studis umanistics a Vienna e Basilea, promovì al magister artium. Plevon a Glaruna e Nossadunnaun, a partir dal Bumaun 1519 al Grossmünster a Turitg. Da là è sa derasà ses moviment refurmatoric ch’ha cuntanschì il Grischun gia enturn il 1520, l’emprim ils lieus lung las transversalas, alura quels pli isolads. Johannes Comander e Jakob Salzmann eran ils umens da confidenza da Z. a Cuira (correspundenza intensiva). La correspundenza cun Wolf Capol a Flem è ida a perder. A la Disputaziun religiusa da Glion dal 1526, dirigida da la vart ref. da Johannes Comander, ha Z. delegà dus observaturs, e mo grazia ad in da quels, Sebastian Hofmeister, enconusch’ins detagls da quella disputaziun. Suenter la mort da Z., è Heinrich Bullinger (ses successur al Grossmünster) stà en contact permanent cun la baselgia ref. dal Grischun. Litteratura: C. Bonorand, Z. ed il Grischun, en: Cal. p. mintga gi, 1984, 83-87. Adolf Collenberg  Zurr, Peter © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: