Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents AdelheidAdministraziun lemma sequent

Adisch
Flum en l'Italia dal Nord che nascha en il Vnuost, curra al nord da Bulsaun e Verona vers sid e sbucca parallel al Po en la Mar Adriatica, tud. Etsch, tal. Adige. La cuntrada en la part superiura da l'A., il Vnuost, appartegneva en il temp medieval a la regiun culturala curretic-romana. L'uvestgieu da Cuira possedeva terren, subdits e dretgs giudizials tr. Meraun e Danuder. Doc. dal 15. tsch. menziuneschan "glieud da la Chadè" a l'A. En il temp medieval vegniva flottà da questa regiun tr.a. laina da laresch fin a Vaniescha. La regiun da l'A. ha giugà ina rolla impurtanta o.t. en la Guerra svabaisa (1499) ed è vegnida devastada fermamain, tr.a. era la punt sur l'A. a Latsch (ist. Laad). La chanzun «La guardia grischuna» (text: Florian Grand, musica: Robert Cantieni) regorda a quest cumbat dals Grischuns per la libertad: "La not ais s-chüra, müt il god, la claustr'indurmanzada; sur l'Adisch nan tamburs eu od [...]".

 


Litteratura:
Pieth, Bündnergeschichte, 44, 100-03; Rampold, Vinschgau, 125 s.; P. Ortner, C. Mayr, Die Etsch, 1984.

Martin Bundi

lemma precedents AdelheidAdministraziun lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :