e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Republica helvetica Resgias  Reschen Anteriura vischnanca polit., dapi il 1875 part da la vischnanca polit. da Ziràn-R., cirq. Schons, distr. Rain Posteriur, situada lung la via sur Ziràn. 1219 de Rexeno, uffiz. tud. Zillis-Reischen. 1835 83 abit.; 1850 86; 1860 66. L'«Urbari curretic dals bains imperials» (ca. 840) menz. ina ecclesia in Solonio al nord da R. Ils cumplexs fortifitgads da Haselstein, La Tur e quel en il vitg èn naschids prob. en connex cun la via da transit che passava per R. fin en il temp medieval tardiv. Refurmaziun 1530-35, construcziun da la baselgia filiala 1709. Fin il 1851 è stà R. in vischninadi dal cumin da Schons e furmava, ens. cun Ziràn e Runtgaglia, ina dretgira civila. Ils abitants vivevan o.t. da l'allevament da muvel e fin en il 19. tsch. era d'entradas da las minieras. Part da la populaziun da lingua rum. (Ziràn-R.): 1880 92,9%; 1980 41,3% (LM); 2000 12,7%/30,3% (ML/Lindic). Litteratura: Kdm GR 5, 222 s., 246-51; G. Solar, Ein Nachlass Christoph Simonetts: Salegn - Reischen - Lapidaria, en: BM, 1984, 241-66. Jürg Simonett  Republica helvetica Resgias  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: