Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Büchli, ArnoldBuchs lemma sequent

Buchli, Jakob
* 4-3-1876 (Jakob Albert) a Cuira, † 1-4-1945 a Wintertur, ref., da Cuira. Figl da Johann Rageth, maister cuntschader, e dad Ursulina n. Risch, da Cuira. ∞ 1903 Margrethe Antonie n. Baumer, figlia da Georg Anton, directur d'ina bieraria. Scola chant. a Cuira, studi d'inschigner da maschinas a l'SPF a Turitg 1897-1901. Inschigner en la Fabrica svizra da locomotivas e maschinas (SLM) a Wintertur 1902-10 (directur dal biro da construcziun a partir dal 1907). Schefinschigner en il sectur da la tracziun electrica tar Brown Boveri (BBC) a Baden 1910-24. Directur tecnic da la partiziun construcziun da locomotivas da la SLM 1924-30, alura agen biro da cussegliaziun. Comm. dal cussegl administrativ da la SLM a partir dal 1932 (pres. a partir dal 1934). B. è stà in dals constructurs da locomotivas ils pli genials da ses temp. El ha inventà vehichels a motor electrics cun tracziun ad in ischigl e construcziuns revoluziunaras per meglierar il cumportament dal material en las curvas, tr.a. l'uschen. tracziun ad in ischigl BBC u Buchli (1918), il charret girabel Java, il motor propulsader universal Wintertur, il charret girabel Duplex per vaguns da trens rapids sco era ina locomotiva a vapur ad auta pressiun. Dr.h.c. da la Scola politecnica da Darmstadt.



Litteratura:
Der Landbote, 5-4-1945; Schweizerische Bauzeitung, 1945, nr 20; Kohle, Strom und Schienen, catalog d’expos. Lucerna, 1998², 264-72, 278 s., 296; W. Nef, B. - Oldtimer der Schweiz, 2003.

Thomas Fuchs

lemma precedents Büchli, ArnoldBuchs lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :