Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FarschnoFascia, Val de lemma sequent

Fasani, Remo
* 31-3-1922 a Mesocco, cat., da Mesocco. Figl da Rodolfo, pur, e da Barbara n. Brocco. Nubil. Scola primara e secundara a Mesocco. Seminari scolastic a Cuira, patentà il 1942. Studis da linguas a las univ. da Turitg e da Firenza, dr.fil. 1952 (cun ina lavur davart «I promessi sposi» dad Alessandro Manzoni). Magister a las scolas secundaras da Poschiavo e Roveredo, a partir dal 1953 a la Scola chant. a Cuira (tal. e franz.). Prof. ord. da lingua e litteratura tal. a l'Univ. da Neuchâtel 1962-85. L'itinerari poetic da F. cumpiglia quatter fasas: En las collecziuns da poesias «Senso dell'esilio» (1945) e «Un altro segno» (1965) dominescha il tema da las muntognas sco lieus ostils, ma era sco dimensiun interna. La segunda fasa, marcada da l'engaschament politic ed ecologic da l'autur, iniziescha suenter il 1968 e cumpiglia las ovras «Qui e ora» (1971) ed «Oggi come oggi» (1976). Il curt epos «Pian San Giacomo» (1983) è in exempel per sia poesia engaschada cunter transgressiuns ecologicas. L'ovra «Tra due mondi» (1983) introducescha la terza fasa, en la quala F. aspirescha ad ina sintesa: il silenzi da las muntognas va a pèr cun la protesta dal poet. La quarta fasa culminescha en la collecz. da poesias «Un luogo sulla terra» (1992) che vul esser il messadi d'in lieu ideal, cun il qual la tschertga artistica duai vegnir terminada e surmuntada. Las poesias «Giornale minimo» (1993) cuntegnan ina nota ironica, intunada gia en texts precedents. Sco criticher litterar conscienzius ed original ha F. publitgà divers studis davart Manzoni e Dante (o.t. davart la «Divina Commedia») ed è daventà enconuschent era tras sias numerusas translaziuns da lirica en lingua tud. (Rainer Maria Rilke e.a.). Il 1992-93 è cumparida sia «Metrica di Peider Lansel». Premi Schiller 1965, 1975, 1983 e 2001 (per sias poesias) e Premi grischun da cultura 1994.


Litteratura:
F. Negroni, La sfida della vacuità: il tema del nulla e del vuoto nell'opera poetica di Remo F., 1992; G. Luzzi, La cultura del limes nell'opera in versi di Remo F., en: QGI, 62/1993, 215-29; F. Iseppi, Betrachtungen der Bündner Berglandschaft, en: TG, 2007, nr 5, 22-25.

Francesca Negroni

lemma precedents FarschnoFascia, Val de lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :