e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Feldkirch Felix, Johann Friedrich  Feldscher, Peter Anton * 1-3-1889 a Masagn, † 2-5-1979 a Masagn, cat., da Masagn. Figl da Christian, contabilist, e dad Iphigenia n. Huber, da Livorno. ∞ Marga n. Pielsticker, da naziunalitad tscheca. Studis a Cuira, Turitg, Lipsia e Berna, dr.iur. Il 1917 è F. entrà en il Departament fed. da politica (oz Departament fed. d'affars exteriurs), nua ch'el ha lavurà l'emprim en la partiziun per la represchentaziun dals interess esters, pli tard en quella dals affars exteriurs. El ha collavurà stretgamain cun Hans Frölicher e Pierre Bonna ed era vegnì elegì minister svizzer a Berlin, nua ch'el ha manà il servetsch dals interess esters dal 1942-45. A partir dal zercl. 1946 ha F. represchentà la Svizra en l'Austria, a partir da l'oct. 1946 sco minister, suenter ch'il cussegl da controlla allià aveva approvà la restabilisaziun da las relaziuns diplomaticas tr. ils dus stadis. F. è restà a Vienna fin a sia pensiun il 1955. Alura ha el survegnì l'incumbensa da rimnar doc. davart las relaziuns da la Svizra cun ils stadis da l'Europa da l'Ost ed è stà a la disposiziun da las autoritads fed. per il cas d'ina evacuaziun da Berna. Archiv: DFAE, documentaziun. Litteratura: Die Ostschweiz, 26-2-1954. Marc Perrenoud  Feldkirch Felix, Johann Friedrich  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: