Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents GualsersGuarda lemma sequent

Guanella, Gustav
* 21-6-1909 a Cuira, † 12-1-1982 a Turitg, ref., da Cuira e Valchava. Figl da Joseph Felix, inspectur d'assicuranzas, e d'Antonia n. Hail, dad Andeer. ∞ 1938 Hanni n. Zietzschmann, figlia dad Otto, prof. da medischina veterinaria. Scolas a Lucerna fin a la matura, alura studi d'electroinschigner a la SPF da Turitg. Assistent a l'Institut da la SPF per fisica tecnica (tar Fritz Fischer) 1933-37. Agen biro d'inschigner 1937-41, inschigner tar la BBC a Baden 1941-74, nua ch'el ha manà la partiziun d'apparats pitschens ad auta frequenza a partir dal 1943. Sco piunier sin ils champs da la modulaziun da frequenzas, da la codaziun da la lingua, d'apparats radiofonics betg convenziunals, da la mesiraziun a distanza, da la dioda varactor (reactur variabel) e da la navigaziun cun agid da radis directivs ha G. contribuì decisivamain al svilup da l'electronica en Svizra. Sia activitad d'inventader (dapli che 120 brevets) ha pussibilità svilups tecnics ch'han fatg da la BBC in'interpresa da renum mundial sin il champ da l'electronica. Dr.h.c. da la SPF da Turitg 1969.



Litteratura:
BBC-Hauszeitung, 1969, nr 11/12; 1982, nr 3.

Thomas Fuchs

lemma precedents GualsersGuarda lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :