Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FlumsFlur da Riva lemma sequent

Flums, von
Ministerials dals uvestgs da Cuira, attestads tr. il 1220 ed il 1312. Els eran administraturs (vizdums) dal domini episcopal da F. e residiavan - tenor l'emprima doc. - il 1249 sin il chastè da F. (oz Gräpplang). Il pli vegl represchentant da la fam. è Sifrid, menz. il 1220. Ses figl, il vizdum Heinrich (menz. il 1220, † 4-5-1262, ∞ Adelheid), ha cedì il 1249 il chastè da F. e tut ils feuds a l'uv. Volkard ch'ha consegnà quels ad el, cun l'uffizi dal vizdum, per vita duranta, en preschientscha da Rudolf. In Sifrid è attestà dal 1257 fin il 1266, in Ulrich dal 1270 fin il 1275 sco canoni a Cuira. In auter Ulrich (1283, † 24-2-1312), che cumpara savens en la suita da l'uvestg, ha participà a la fundaziun da la claustra dals dominicans a Cuira ed è vegnì recumpensà il 1289 dal chapitel catedral per il sustegn accordà a l'uv. Friedrich I durant sia praschunia en il chastè da Werdenberg. Il 1293 ha l'uv. Berthold II impegnà il chastè da F. Ses frar Eglolf (attestà tr. il 1288 ed il 1299) ha vendì l'Alp Bödmen a F. il 1288. La fam. F. possedeva bains era a Cuira, Friewis/Vaz Sut, Preaz e Zezras. Auters members da la fam. èn stads Hartwig e Ortolf (menz. il 1283).


Funtaunas:
BUB; Urkundenbuch der südlichen Teile des Kantons St. Gallen, 1951.

Litteratura:
A. Müller, Geschichte der Herrschaft und Gemeinde F. 1, 1916, 25-38; F. Rigendinger, Das Sarganserland im Spätmittelalter, 2007, o.t. 67-86.

Veronika Feller-Vest

lemma precedents FlumsFlur da Riva lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :