Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Grigione Italiano, IlGrischun lemma sequent

Grisch, Andreas [Andreia]
* 5-1-1879 prob. a Surlej (vischn. da Silvaplauna), † 6-2-1952 a Küsnacht/ZH, cat., da Sur (Valragn). Figl da Bartholomeus, stradin, e dad Anna Maria n. Spinas, da Tinizong. ∞ 1906 Ida n. Volkart, figlia da Diethelm Albert, medi. Seminari scolastic a Cuira fin il 1899, alura studi d'agronomia a la SPF Turitg. Collavuratur a l'Institut da retschertga experimentala Turitg-Oerlikon 1902-44, manader da la partiziun da controlla da sems a partir dal 1920. G. ha contribuì decisivamain al svilup da la cultivaziun da semenzas en Svizra suenter il 1918. Ultra da quai è el s'occupà da problems da la producziun da pavel e da la meglieraziun da terrens palidus tras inseminaziun ed engraschament. El è s'interessà surtut a studis fitosociologics da pastgiras d'alp e da prads da muntogna sco era a l'istorgia ed a la lingua dal Surses, sia regiun d'origin. Autur da numerus studis da l'istorgia locala. 


Ovras:
En curt viada tras Surses e la sia istoria, 1915; Zur Frage der Herkunftsbestimmung von Klee- und Grassämereien, 1950.

Litteratura:
Schweizerische landwirtschaftliche Monatshefte, 30/1952, 45-47; B. Plaz, Dr. Andreia G., en: Annalas, 67/1953, 10-20.

Thomas Fuchs

lemma precedents Grigione Italiano, IlGrischun lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :