Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Iserin, GeorgIsler, Johann Luzius lemma sequent

Iserin [Rheticus], Georg Joachim
* 16-2-1514 a Feldkirch, † 4-12-1574 a Kaschau (Ungaria), da Mazzo di Valtellina. Figl da Georg. Gimnasi a Feldkirch ed al Fraumünster a Turitg. Studis da matematica e d'astronomia a Wittenberg (Saxonia) 1532, Turitg e Prag, scolar da Philipp Melanchthon. Magister artium 1536, elegì il 1542 prof. da matematica e d'astronomia a l'Univ. da Lipsia. A partir dal 1536 purtava I. il num "Rheticus". Studis supplementars a Nürnberg, Ingolstadt e Tubinga 1538. Il 1539 ha I. scuntrà Nicolaus Copernicus (1474-1543), dal qual el ha edì il 1543, ens. cun Johann Schöner, l'ovra astronomica «De revolutionibus orbium coelestium». Inventader da la teoria dal cosinus. Il 1551 è I. fugì a Prag ed è alura sa domicilià a Cracovia, nua ch'el ha scrit ses «Opus Palatinum», in studi immens davart la trigonometria che cuntegna tr.a. era las famusas "tabulae Rhetici" (tavlas trigometricas). Da Cracovia è el alura sa rendì a Kaschau en il reginavel d'Ungaria. Precursur da las scienzas natiralas modernas.


Litteratura:
M. Defuns, Georg Joachim Rheticus (1514-1574), en: Annalas, 82/1969, 113-20.

Adolf Collenberg

lemma precedents Iserin, GeorgIsler, Johann Luzius lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :