e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Kauffmann, Angelika Kesselbrief  Keller, Heinrich * 10/11-11-1778 a Turitg, † 18-9-1862 a Turitg, ref., da Turitg. Figl da Kaspar, pasterner, e dad Elisabetha n. Pfister. ∞ 1) 1810 Anna Dorothea n. Heidegger, 2) 1824 Anna Barbara n. Suter. Scolaziun tar Johann Heinrich Füssli a Turitg. Enconuschent cartograf, dissegnader da panoramas ed editur a Turitg. Il 1799 ha K. publitgà per in guid turistic sia emprima charta geografica da la Svizra, il 1804 ses emprim panorama dal Rigi-Kulm, al qual èn suandads numerus ulteriurs ch'han conferì ad el il surnum da "Panorama-Keller". Sia ovra da piunier è la «Erste Reisekarte der Schweiz» (1813). Suenter ina cura a Fadrein Bogn il 1811, è K. viagià il 1812-22 tras il Grischun ed ha realisà passa 70 dissegns ed aquarels originals da regiuns e persunas da l'entir Chantun, acquistads dal Museum retic il 2002. Litteratura: J. Hess, Das Leben des Heinrich K. von Zürich, Landkarten- und Panorama-Zeichners (1778-1862), 1865; SO, 10-7-2004. Urban Schertenleib  Kauffmann, Angelika Kesselbrief  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: