Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Meng, Johann UlrichMengiardi [-Klainguti], Angiola lemma sequent

Menghini, Felice
* 20-9-1909 a Poschiavo, † 10-8-1947 a Poschiavo (d'in accident en muntogna), cat., da Poschiavo. Figl da Francesco, tipograf, e d'Ida n. Lardi, da Poschiavo. Gimnasi a Seveso, Monza e Milaun, Seminar da spirituals a Cuira. Suenter l'ordinaziun sacerdotala il 1933 è M. stà l'emprim plevon a S. Vittore, a partir dal 1935 canoni, a partir dal 1943 prevost a Poschiavo. Sper ses uffizi ecclesiastic è el sa deditgà a la poesia ed a div. activitads culturalas ed ha promovì ultra da quai il 1942 en scienzas litteraras a l'Univ. catolica da Milaun. Sias collecziuns da poesias «Umili cose» (1938), «Parabola e altre poesie» (1943) ed «Esplorazione» (1946) s'inspireschan dals temas da la cuntrada alpina che s'uneschan savens cun sentiments religius. «Leggende e fiabe di Val Poschiavo» (1933, 1986²) è sia ovra en prosa principala. M. ha ultra da quai fundà e dirigì la collecziun «L'Ora d'Oro» che cuntegna tr.a. la collecziun da poesias «Incantavi» (1945) da Piero Chiara e sia traducziun da poesias da Rainer Maria Rilke, «Il fiore di Rilke» (1946).



Ovras:
Poesie, edì da P. Chiara, 1977 (cun introd. da F. Pool).

Litteratura:
R. Fasani, Felice M., 1995; A. Paganini, Un’ora d’oro della letteratura italiana in Svizzera, 2006; L’ora d’oro di Felice M., edì dad A. Paganini, 2009.

Remo Fasani

lemma precedents Meng, Johann UlrichMengiardi [-Klainguti], Angiola lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :