e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Viafier Cuira-Arosa Viafier dal Matterhorn e dal Gottard  Viafier dal Bernina Il 1905 è vegnida fundada a Basilea la Bernina-Bahngesellschaft per il transport da turists (durant ils mais da stad) da S. Murezzan sur il Pass dal Bernina (2253 m) a Poschiavo resp. a Tiraun (429 m). Il fan. 1906 han ins cumenzà a construir la viafier dad omaduas varts dal pass. L'entir traject è vegnì avert ils 5-7-1910. Suenter in emprim success han la crisa economica mundiala e la Segunda Guerra mundiala sfurzà la Viafier dal Bernina a fusiunar cun la la VR. Per il tschancun sin territori tal. è vegnida fundada la Tranvia Tirano-Campocologno SA; las aczias da quella eran en possess da la Viafier dal Bernina ed èn passadas suenter la fusiun a la Viafier retica (VR). Dal 1942 fin l'oct. 1945 èn ils transports vegnids sistids sin il tschancun tal.; il 1950 è quel passà a la VR, e la societad acziunara tal. è vegnida schliada. Il 1973 è la Viafier dal Bernina vegnida remplazzada dal Bernina-Express modernisà (Cuira-Tiraun, dapi ils 28-5-2000 cun vaguns panoramics) ch'è daventà, ens. cun il Glacier-Express (S. Murezzan-Zermatt) la marca da la VR. Datas tecnicas da la Viafier dal Bernina/Bernina-Express (S. Murezzan)-Puntraschigna-Tiraun: largezza dals binaris 1'000 mm; lunghezza dal traject 60,7 km; pendenza maximala 7%; radius minimal 45 m; current cuntinuà/1'000 V (Puntraschigna-Tiraun), punts 54; tunnels e galarias 13 (total 4072 m). Passagiers 2009 regiun S. Murezzan-Puntraschigna-Tiraun: (2009) 722'550; Bernina-Express Puntraschigna-Tiraun: 281'586. La lingia da la VR da l'Alvra al Bernina è vegnida recepida il 2008 sco part dal patrimoni cultural mundial da l'Unesco. Litteratura: Strapatschs al Bernina [film rtr], reschia: R. Bruderer, 2010; G. Brüngger e.a., Abenteuer Berninabahn, 2010; A. Tognina e.a., Arbeiter am Bernina: Sozialgeschichte eines Bahnbaus, 1906-1910, 2010. Adolf Collenberg  Viafier Cuira-Arosa Viafier dal Matterhorn e dal Gottard  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: