e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bernhard, Johann Berniers  Bernhard, Oscar * 24-5-1861 a Samedan, † 14-11-1939 a S. Murezzan, ref., da Cuira, Vaz Sut e S. Murezzan (burgais d'onur 1921). Figl da Samuel, apotecher, e da Christine n. Bühler, da Tavau. ∞ 1893 Elisabeth n. Imhof, da Wintertur. Gimnasi a Cuira, stud.med. a Turitg, Heidelberg e Berna, dr.med. 1886. Assistent da Theodor Kocher. Medi generalist e spendrer a Samedan a partir dal 1886. Confundatur (1895) e medi superiur (1895-1907) a l'Ospital regiunal a Samedan. Il 1911 ha B. avert in'atgna clinica a S. Murezzan. El ha contribuì, ens. cun Auguste Rollier a Leysin/VD, al success da la helioterapia (exposiziun al sulegl en sanatoris alpins) per curar la tuberculosa da las giugadiras e da l'ossa, a l'entschatta cunter il parairi da Kocher. Aderent da l'Ospital chant. e promotur dal servetsch da salvament alpin, da la medischina da sport, da la protecziun da l'ambient (Lej da Segl) e da la cultura rumantscha. Ami e mecen da Giovanni Segantini e confundatur dal Museum Segantini a S. Murezzan 1908. Autur da numerusas publicaziuns scientificas davart la medischina e la numismatica antica. Div. distincziuns internaz., tr.a. il dr.h.c. da l'Univ. da Frankfurt a.M. 1928. Archiv: ASGR, relasch parzial. Ovras: Die erste Hilfe bei Unglücksfällen im Hochgebirge, 19135; Sonnenlichtbehandlung in der Chirurgie, 1917 (1923²); Pflanzenbilder auf griechischen und römischen Münzen, 1924. Litteratura: Chal. ladin, 1942, 48-52; 1997, 106-10; K. Flachsmann, Der Engadiner Arzt Oskar B. und die Begründung der Heliotherapie bei der chirurgischen Tuberkulose, 1966; Äskulap in Graubünden; Bedeutende Bündner 2, 337-40; P. Ehrler, Heliotherapie, 1985. Constant Wieser  Bernhard, Johann Berniers  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: