Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Christ, Johann PaulChrist, Nicolaus (von Santz) lemma sequent

Christ, Ludwig
* 16-8-1791 a Cuira, † 14-1-1876 a Cuira, ref., da Cuira. Figl da Johann Baptist, emprim maister da mastergnanza, e d'Anna n. Poletti, da Fanas. Frar da Johann Paul. ∞ 1822 Elisabeth n. Fischer, figlia da Cyprian, colonel, da Cuira. Entrà en servetsch militar dal Piemunt per mitschar dals recrutaders da Napoleun. Studis da filologia e giurisprudenza a Berlin (tr.a. tar Georg Wilhelm Friedrich Hegel). Il 1821 ha C. fundà a Turitg il «Schweizerisches Volksblatt». Advocat a Cuira e chapitani en la milissa grischuna, pli tard litinent colonel en il stab general svizzer. Persuna da tenuta lib., ha C. lavurà en ils onns 1839-41 sco schef da las chanzlias da la citad da Cuira e redactur da la «Bündner Zeitung» per la revisiun da la Const. chant. (senza success). Suenter il naufragi da sia atgna gasetta «Der Morgenstern», cumparida il 1841-43, è C. stà derschader inquisitur a Glaruna 1842-56 e redactur da las «Rheinquellen» a Cuira (1856-60) e da la «Glarner Zeitung» (1860). Alura è suandà in viadi en l'America dal Nord. Autur d'in drama davart Winkelried, da poesias festivas e da chanzuns patrioticas.
 


Litteratura:
R. Christoffel, Auf der Schwelle einer neuen Zeit, 1917, 67-79; K. Goedeke, Grundriss zur Geschichte der deutschen Dichtung aus den Quellen 12, 1938², 177 s.

Ruedi Graf

lemma precedents Christ, Johann PaulChrist, Nicolaus (von Santz) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :