Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Medel/ValragnMediatur lemma sequent

Medell, Adalbert de
* ca. 1628, † 11-2-1696 a Mustér, cat., da Tujetsch. Figl da Joachim e da Cornelia n. de Castelberg, da Mustér. Nev da Conradin de Castelberg. Studis a Nossadunnaun ed al collegi da la Propaganda Fide a Roma, nua ch'el è vegnì ordinà sacerdot (1651) ed ha promovì en teologia (1655).  El è vegnì elegì avat da Mustér gia il 1655. A l'entschatta da ses mandat èn 14 plaivs da la Surselva e trais filialas da quellas vegnidas separadas da l'uvestgieu da Cuira e suttamessas a la claustra da Mustér per sanar ils debits da la diocesa. Questa mesira ha dentant stuì vegnir revocada il 1660 causa l'opposiziun dal clerus sut guida o.t. da Matthias Schgier. Sut la direcziun da M. èn vegnids erigids l'edifizi claustral represchentativ en stil baroc e la curt claustrala a Trun (oz Cuort Ligia Grischa). Il dumber da comm. dal convent ha augmentà da set a 28.


Litteratura:
I. Müller, Die Abtei Disentis, 1634-1655, 1952, 273-78; I. Müller, Die Abtei Disentis, 1655-1697, 1955, 18; HS III/1, 503 s.

Ursus Brunold

lemma precedents Medel/ValragnMediatur lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :