e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Aerni, Ulrich Affar Marnia  Aeschbacher, Walther * 2-10-1901 a Berna, † 6-12-1969 a Berna, ref., da Lützelflüh. Studis da matematica, chemia, fisica e musicologia (tar Ernst Kurth) a l'Univ. da Berna sco era da violoncello, clavazin ed armonia al Conservatori. Il 1921 è el s'inscrit a l'Academia d'art musical a Minca; diplom da dirigent e cumponist 1924, alura activ a Berna e Basilea sco criticher da musica, pedagog e dirigent da chor. Sco cumponist cultivava el tut ils geners musicals, cun excepziun da l'opera. Tipicas èn sias furmas cumpositoricas severas e savens linearas, ma ritgas d'invenziuns melodicas. Enconuschent tar ils Rumantschs era sco dirigent dal Chor Ligia Grischa 1944-68, dirigent d'onur 1969 (platta fonogr. «Cantei Romontschs», 1961) e sco cumponist da las chanzuns rum. «Scuder scudein nus», «Ti pur eis il semnader» e «Ventschidas». Litteratura: SML, 17 s. (cun reg. d’ovras); I. Cathomen, Il Chor Viril Ligia Grischa, 2002. Regula Puskás  Aerni, Ulrich Affar Marnia  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: