e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Kuoni, Jakob Kuoni, Tobias  Kuoni, Michael * 29-1-1839 a Maiavilla, † 27-8-1891 a Sievgia, ref., da Maiavilla. Figl da Michael e da Tillia n. Flütsch, dad Aschera. ∞ Ursula n. Hitz, da Sievgia. Gimnasi ad Aschera. Ina malsogna dals egls ha impedì el da studegiar. Il 1858 è el entrà en il servetsch telegrafic fed. a Cuira ch'el ha manà dal 1882 fin a sia mort. K. è daventà enconuschent per sias publicaziuns en dialect redigidas en il stil d'ina prosa idillica alpina («Vergissmeinnicht», 1867; «Herbstbletter us'm Rhätikon», 1886). Per la collecziun dad Otto Sutermeister «Sammlung von deutsch-schweizerischer Mundartliteratur» ha el scrit ils «Bilder aus dem Volksleben des Vorder-Prättigau's alter und neuer Zeit» (1884). Archiv: ASGR. Ovras: Vergissmeinnicht, 1867; Herbstbletter us'm Rhätikon, 1886; Restanzas dil lungatg romontsch en las valladas della Landquart e della Plessur, en: Annalas, 1/1886, 305-37. Litteratura: Bündner Nachrichten, 29-8-1891. Andrea Weibel  Kuoni, Jakob Kuoni, Tobias  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: