Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents HotellariaHuber, Konrad lemma sequent

Hotzenköcherle, Rudolf
* 12-4-1903 a Cuira, † 8-12-1976 a Turitg, ref., da Runtgaglia. Figl da Rudolf, stampadur, e dad Anna Lina n. Kramer, da Nürensdorf/ZH. ∞ 1937 Dora n. Leimbacher. Studis da linguistica a Genevra 1923-25, da germanistica e romanistica a Turitg 1925-32. Il 1932 ha el doctorà tar Albert Bachmann, dal qual el ha surpiglià la professura da filologia tud. a l'Univ. da Turitg (prof. eo. 1935 ed ord. 1938-69). Sco expert en dialectologia ha el fundà cun Heinrich Baumgartner il «Sprachatlas der deutschen Schweiz» (SDS, 1962-2003), dal qual el ha redigì ils emprims tschintg toms cun l'agid da collavuraturs. Cumbinond la veglia geografia linguistica da la germanistica cun quella pli recenta da la romanistica, ha el creà ina nova metodologia per ils atlas linguistics relativs a spazis pli pitschens ch'è daventada in model internaziunal. Il 1984 è cumparì postum ses commentari al SDS («Die Sprachlandschaften der deutschen Schweiz»), in essay interdisciplinar che preschentava per l'emprima giada la geografia linguistica da l'entira Svizra tudestga. Editur da la retscha «Beiträge zur schweizerdeutschen Mundartforschung» (a partir dal 1949). Autur da numerusas publicaziuns davart la geografia linguistica dal Grischun.


Ovras:
Die Mundart von Mutten, 1934; Dialektstrukturen im Wandel, 1986.

Litteratura:
S. Sonderegger, Rudolf H., en: Zeitschrift für Dialektologie und Linguistik, 44/1977, 129-44; Lexicon grammaticorum, edì da H. Stammerjohann, 1996, 429 s.; Internationales Germanistenlexikon 1800-1950 2, edì da C. König, 2003, 809 s.

Stefan Sonderegger

lemma precedents HotellariaHuber, Konrad lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :