Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Huber, KonradHunger, Sebastian lemma sequent

Hug, Josef
 * 7-12-1903 a Vaz Sut , † 6-10-1985 a Riva/SG, cat., da Vaz Sut. Figl da Josef Anton, lavurer tipograf. Nubil. Creschì si en relaziuns paupras e cun frequentas midadas da dimora. H. ha frequentà il davos onn da scola a Flums (1918). El ha renunzià ad ina furmaziun da scolast per mancanza da daners. Durant var diesch onns ha el lavurà en ina filandaria. Causa ina malsogna ha el pers la lavur ed ha alura chattà in'occupaziun sco chanastrer. Autur da plirs raquints en dialect, emess per part al radio avant lur publicaziun: «S Gmaiguet» (1959), «Der Valtilenz» (1961), «Dunggli Wolgga ob Salaz» (roman, 1967), «Der Rhy chunnt hoch» (1973). Sias «Erinnerungen eines Korbmachers» (1977) èn cumparidas en tudestg. Premi cultural da la Cuminanza da vallada da la regiun da Sargans 1974.


Ovras:
Gesammelte Werke in zwei Bänden, 2003.

Litteratura:
Deutsches Literatur-Lexikon, fundà da W. Kosch, 8, 19813, 253; B. Lipp, Josef H., ein Mundartdichter, 1903-1985, en: Anno Domini: Jahresbericht des Untervazer Burgenvereins, 8/1987 (suppl.).

Karin Marti-Weissenbach

lemma precedents Huber, KonradHunger, Sebastian lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :