Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents IsolaIstorgia dal dretg grischun lemma sequent

Isola
Vischnanca situada a 1260 m da la vart sid dal Pass dal Spleia a l'entrada en la Val S. Giachen taliana. Oasa da vastas pastgiras en in desert da crappa. Al sidvest da la vischnanca ed al nord da Vamlera s'extendeva en il temp autmedieval in guaud cumpact fin a passa 1900 m. En il 12. tsch. èn arrivads Mesolcinais sur il Passo di Baldiscio (2351 m) ad I. ed han prendì possess da quatter alps situadas a Rasdeglia al nord da la vischnanca tr. 1620 e 1900 m. Suenter dirs cumbats han ins fixà il 1203 contractualmain ils cunfins d'utilisaziun dals Mesolcinais: lung il Liro aval fin a la sbuccada dal Febbraro avant I., alura lung quest aual fin a la Cima di Baldiscio (2850 m). La part sura da la val è vegnida colonisada permanentamain pir en il 13. tschientaner. I. sa chattava a la Via Regia e ses abitants han adina vivì quasi exclusivamain dal traffic sur il Spleia. Da Clavenna via I. manava antruras ina via da salaschada davos il Schneehorn vi sur l'Alp d'Areua a Novagnas e Medel e da là sur l'Alp Alvena a Stussavgia e sur il Pez Mezdi a Pitasch e Glion (ina traversada da var 16 uras e mez). Responsabel per il mantegniment da la via tras la chavorgia dal Cardinel al Spleia era il 6. port a la Via Sut, numnadamain quel da la Val S. Giachen, o.t. da la vischnanca dad I. Oz na sa chatta I. betg pli a la via dal pass. 


Litteratura:
M. Bundi, Zur Geschichte des Splügenpassgebietes, en: TG, 1969, nr 2, 98-106; Bundi, Besiedlung.

Adolf Collenberg

lemma precedents IsolaIstorgia dal dretg grischun lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: