e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bezzola, Reto Raduolf Biberegg, Konrad von  Bianchi, Vendramino * 26-7-1667, † 12-1-1738 a Vaniescha. Secretari dal Senat venezian e dal Cussegl dals Diesch. Ambassadur venez. en la Confed. ed en las Trais Lias 1705-07. Suenter negoziaziuns a Turitg (mars 1705 - schan. 1706) ed a Cuira (favr. 1706 - sett. 1707), ha el pudì stipular in'allianza da Vaniescha cun Turitg e Berna (12-1-1706) e cun las Trais Lias (17-12-1706). Omaduas s'orientavan en lur cuntegn a l'allianza da Vaniescha cun las Trais Lias dal 1603. Il 1708 ha B. edì a Vaniescha sut il pseudonim Arminio Dannebuchi sia «Relazione del paese de' Svizzeri, e loro alleati» (translaziun en engl. a Londra il 1710). L'emprima ediziun cuntegneva ina descripziun topografica ed istorica da la Svizra magari manglusa, la valitaziun da la situaziun politica era però correcta. Litteratura: DBI, 10, 176 s; Feller/Bonjour, Geschichtsschreibung 2, 535 s. Martin Bundi  Bezzola, Reto Raduolf Biberegg, Konrad von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: