e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Thomann, Hans
* 13-10-1874 a Münchwilen/TG, † 23-3-1959 a Landquart, ref., da Märwil/TG. Figl da Jakob, fabritgant, e dad Elisa n. Abderhalden. ∞ Ursula n. Dürst. Scola agricula Strickhof a Turitg, alura segiurn sco farmer en ils Stadis Unids. Studi d'inschigner agronom a la SPF a Turitg a partir dal 1894, promoziun 1901. Scolast spezialisà al Plantahof 1898-1938, directur 1908-20. Autur dal med d'instrucziun «Schädliche und nützliche Tiere der Landwirtschaft». Comm. da la suprastanza da l'Uniun purila grischuna 1908-46, pres. da la cumissiun da planticultura da quella 1919-45. Manader da la centrala chant. da granezza 1929-45. "Bab" da la cultivaziun da pavel artifizial en il Grischun ed, ens. cun Albert Volkart (1873-1951), cultivatur dal furment "Plantahof", il graun da paun il pli impurtant da la Svizra durant la Segunda Guerra mundiala. Numerusas publicaziuns davart la planticultura, las malsognas da las plantas e l'entomologia (gronda collecziun d'insects dal Grischun ch'el ha regalà al Museum da la natira dal Grischun). La Depressaria thomanniella Rbl. ed auters nums da splers èn deditgads ad el. Bundant 30 onns pres. da l'uniun da viticulturs dal Signuradi e dals Tschintg Vitgs. Comm. da suprastanza e comm. d'onur da plirs organs spezials chant. e naziunals.
Litteratura:
JNGG, 88/1958/59, XXI-XXIII (cun fotogr.); BJb, 1960, 179-82; M. Wenger, Dr. H. T., Landquart: Ingenieur-Agronom und Entomologe, 1994 (cun reg. d’ovras).
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Thietmar