e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Glaruna Glion  Gliezi [Luzi/Luzius], Son Confessur istoricamain attestà che ha vivì prob. en il 5./6. tschientaner. G. è stà il patrun da l'uvestgieu da Cuira dapi il 10. tschientaner. Sia midada a la confessiun cristiana ha provocà conflicts cun ils abitants da Maiavilla, Fläsch e Mäls/FL che tgiravan il cult pajaun da la vatga, attribuida als elements feminins da la glina, da l'agricultur e da la dunna. Quels han bittà el en in lajet sin il Pass da Son G. Persunas gia convertidas al cristianissem han pudì salvar G. e manar el en in cortegi triumfal en la citad da Cuira cristianisada. La «Vita» carolingica (fin dal 8. tsch.) ha mitisà G. e fatg dad el il retg da la Britannia ed il missiunari da la Rezia. En il 11./12. tsch. è vegnida assegnada ad el la s. Emerita sco sora, en il 17. tsch. è vegnì agiuntà il motiv dal martiri. Lieus da pelegrinadi en veneraziun da G. durant il temp medieval: Son G./Cuira (fossa), la foretta da Son G. sur Cuira e la baselgia sin il Pass da Son G. Litteratura: E. Poeschel, Wann hat St. Luzius gelebt?, en: BM, 1938, 341-45; I. Müller, Die churrätische Wallfahrt im Mittelalter, 1964; A. Gasser, Die Lucius-Vita, 1984; B. Hübscher, Luzius, hl. Glaubensbote [...], en: JHGG, 2004, 25-74. Ursus Brunold  Glaruna Glion  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: