e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Succurs svizzer d'enviern Sullevaziuns  Südostschweiz, Die (SO) La  SO, resortida da la «Bündner Zeitung», ha expandì sut ses editur Hanspeter Lebrument ad in sistem da gasetta interchantunal cun la redacziun centrala a Cuira. Ses intschess da derasaziun cumpiglia ils chantuns Grischun e Sviz, il chantun da Glaruna, il Principadi da Liechtenstein ed il sidost dal chantun da S. Gagl. A la Südostschweiz Presse AG appartegnevan il 2006 las trais ediziuns regiunalas «Die SO, Gaster/See» (fin il 2000 «Gasterländer/Seepresse»), «Die SO, Glarus» (fin il 2000 «Glarner Nachrichten») e «Die SO, Graubünden». En la medema chasa editura cumparan il «Bündner Tagblatt» e la gasetta rum. dal di «La Quotidiana». Il sistem da gasettas cumpiglia plinavant otg titels affiliads cun mintgamai in'atgna chasa editura: il «Bote der Urschweiz» (dapi il 1997), il «Höfner Volksblatt» (1997), il «March-Anzeiger»(1997), il «Liechtensteiner Vaterland» (1998), il «Liechtensteiner Volksblatt» (1998), il «Sarganserländer» (1998), il «Werdenberger & Obertoggenburger» (1998) sco era la «Rheintalische Volkszeitung» (2004). L'ediziun totala da la  SO è creschida da 111'000 (1997) a 124'760 exemplars (2010). La SO è, cuntrari al «Bündner Tagblatt» plitost cons., ina gasetta lib. dal center politic. Litteratura: Foppa, Deutschsprachige Presse. Daniel Foppa  Succurs svizzer d'enviern Sullevaziuns  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: