e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Belmont, Konrad de Benedict, Domenic Simeon  Belmont, Ulrich Walter de Attestà a partir dal 1352, † 11-7-1371, da Flem. Descendent dals baruns de B. Figl da Johannes e dad Adelhaid n. von Klingen. ∞ 1) Floribella n. von Sax, 2) NN n. von Tübingen, 3) Anna n. NN. Il 1352 ha ina coaliziun, furmada da B. cun ils baruns de Montalt e de Razén, battì in'armada da chavaliers dal cont de Werdenberg-Heiligenberg a Porclas ed al pe dal Mundaun. Il 1360 ha B. fatg d'arbiter en in conflict tr. Cuira e Mustér. Il medem onn ha el aderì a l'allianza tr. il Valragn e la Stussavgia. B. è mort senza descendenza sco davos represchentant masculin dals B.; el è vegnì sepulì en la fossa da fam. en la catedrala da Cuira. Litteratura: J.L. Muraro, Die Freiherren von B., en: Geschichte und Kultur Churrätiens, edì dad U. Brunold, L. Deplazes, 1986, 298 s. Martin Bundi  Belmont, Konrad de Benedict, Domenic Simeon  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: