e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  MR Mulegns  Muldain [Muldein, Muldis], von Famiglia da chavaliers, attestada da la mesadad dal 13. tsch. fin il 15. tsch., numnada prob. tenor la curt (curtis) omonima en il territori da l'odierna vischnanca da Vaz. Ils pli vegls represchentants enconuschents da la fam. èn Otto (1259-86), chavalier, Rudolf (1259-85) e Hermann († 1277), canoni dal chapitel catedral da Cuira. Ils M. avevan en feud intgins bains dal chapitel catedral da Cuira a Casti (tur d'Ortasch) e Stugl. Avant il 1314 ed il 1335 han Lütold († avant il 1343) e Vivenz (1308-35) sustegnì ils baruns de Vaz en lur faida cun l'uvestg da Cuira. Il 1331 èn menz. in Jekelinus a Scuol ed il 1369 resp. il 1374 in Hans sco perditgas en intgins doc. dal Vnuost. Il 1381 ha Jakob, maridà cun Dorothea Planta, vendì ils bains a Casti al chastellan Otto von Matsch, cont da Kirchberg. Il 1421 è in Hans stà administratur dal chastè da Tarasp. In M. è attestà sco perditga en la segunda mesadad dal 15. tschientaner. Litteratura: GHS 2, 136 s.; J.L. Muraro, Untersuchungen zur Geschichte der Freiherren von Vaz, 1972, 47, 153; Clavadetscher/Meyer, Burgenbuch, 50 s., 205, 289. Veronika Feller-Vest  MR Mulegns  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: