Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents SchuobacheclersSchutz, Jakob lemma sequent

Schütter, Meinrad
* 21-9-1910 a Cuira, † 12-1-2006 a Küsnacht/ZH, cat., da Vilters/SG. Figl da Josef Johann, maister pictur e cuss. munic. a Cuira, e dad Emilie Hegner (num tras adopziun, n. Gut). ∞ 1943 Claudia n. Mengelt, figlia da Christian, chantadura d'opera e souffleuse. Scola chant. e Seminari scolastic a Cuira, patentà il 1930. Furmaziun musicala tar Antoine-Elisée Cherbuliez 1930-31, studi da musica al Conservatori da Turitg 1931-35. S. ha giudì sco schuldà durant la Segunda Guerra mundiala instrucziun a distanza tar Willy Burkhard. Studis tar Paul Hindemith 1950-54, alura instrucziun autodidactica. Activitad multifara sco cumponist, pianist ed organist. Dal 1945-76 è S. stà engaschà al teater da citad ed a l'opera da Turitg, alura è el sa domicilià a Küsnacht/ZH, nua ch'el ha lavurà a professiun libra fin en ses ultim onn da vita. Sia ovra cumpiglia l'opera «Medea» (1941/42), ballets, duas messas, chanzuns per chors sco era 60 chanzuns per clavazin (tr.a. «Chanzuns da la not» cun texts d'Andri Peer), musica d'orchester (tr.a. sinfonias, concerts da clavazin), musica da clavazin, d'orgla e da chombra. S. era per ses contemporans d'avant la Segunda Guerra mundiala "extremamain modern" e per l'avantguardia dal suenterguerra memia pauc radical, essend orientà vers la tradiziun da l'uschen. classica moderna.


Archiv:
ZBZ, relasch musical.

Litteratura:
S. Thomas, Freiraum fürs Komponieren: ein Portrait des Bündner Musikers Meinrad S., en: BJb, 2007, 57-64; U. Stoecklin, Meinrad S. 1910-2006, 2010.

Gian A. Nogler

lemma precedents SchuobacheclersSchutz, Jakob lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: